قدر الله علي وتخرررجت من الثااانوي ... وبدت رحلة البحث عن وظيفه .. خصوووصأً إن مااافيه أمل أكمل دراااسه بعد ماااجلست في الثانوووي عشر سنين بلياااليها ...
وبدت البهذله .. كل مااارحت أقدم على وظيفه طلعوولي عشرررين ألف عذر .. مررره معدلك نااازل .. ومررره ماااعندك دووورة كمبيووتر .. ومررره ماااعندك دورررة انجليزي .. ومررره لااازم تغير إسم امك .. ومررره ليش ماتلبس سروااال قطن .. ومررره ليش ماتلبس طاااقيه .. وانواااع الأعذااار المخيسه ..
وجلست أقدم يووومياً كل يوووم أقدم في مكاااان ... وجلست على هالوووضع اسبوووع واسبوووعين واسبووو خشم واسبووو إذن ومااافيه فااايده .... وتأكدت إني لااازم أدبر واااسطه عشااان أتوووظف ... وتوووجهت لابوووي عشااان يشوووف أحد من الجماااعه ولا من اخوياااه يتوووسط لي ... مع إني أعرررف إن ابوووي ماااعنده ماااعند جدتي بس قلت اجرررب ...!!
وكااان ابوووي جااالس هو وامي في الصاااله .. ومااااسك بأمي سوااالف يحكي لها عن بطووولاته .. وامي هبلا فاااقه خشتها ومتحمسه مع سواااليفه ... دخلت عليهم وبعد ماااشررحت لابوووي مأساااتي .. إعتدل أبوووي في جلسته وسوووى نفسه مهم .. وقاال لي .. شوووف يا إبني .. إنت لااازم تعرررف إن الدنيا مثل العااالم .. ولاااازم تعرررف إن البحر غدااار .. وبما إن السمك يعيش في البحر فمعنى ذلك إن النوووم سلطاااان ... وترررى البشر مثل الناااس والأسد هو ملك الغااابه .. وانت لااازم تتعب في الصغر لأن التدخين مضر بالصحه .. وتذكر إن لسااانك حصااانك إن لم تقطعه قطعك .. فالله الله ياااولدي بالسمعه الطيبه والأخلاااق الزينه ولاتنسى إن المثل يقووول .. ذاااكر دروووسك أووول بأووول فإن هم ذهبت أخلااقهم ذهبوا ...!!!
قلت له .. سكرااان انت .. وش اللي تدخين وسمك والبشر مثل الناااس وذاااكر دروووسك .. ياااخوي انا ابي واااسطه عندك ولا لاااا ....؟؟؟؟؟ قااال لي .. فيه واااحد أعرررفه إسمه عطيه .. ماااسك وظيفه مهمه .. وشخصيه مرمووووقه في المجتمع ..... قلت له .. حلوووو يالله كلمه وخله يتووسط لي في أي وظيفه ...
راااح ابوووي ولبس البشت حقه وأخذ ابوووي التلفووون واتصل على بيت خووويه .. (( والله إن ابوووي ثووور .. لبس البشت يحسب خووويه بيشووفه .. عاااد من زين بشته لو تشوووفه تحسبه فنيله من قصررره ..!! )) .. وجلس ابوووي يكلم شوووي ..... وبعد ماخلص ابوووي من المكااالمه قلت له .. هاااه بشر ....!!! قااال لي .. ردت علي زوووجته وتقووول إنه ماااسك خفاااره هاللحين ... !!!! قلت له .. وش اللي خفاااره .. انت تقووول إن وظيفته كبيررره ..!!! قااال لي .. ايييه هو جندي أووول قد الدنيا .. وحااارس على بوااابه وماااحد يدخل ويطلع إلا بأمررره ......!!! انا بصراااحه ارتفع ضغطي .. واللي قاااهرررني إن امي مبسوووطه ومصدقه وتناااظر ابوووي باعجاااب ....... وانا اللي اناااظر ابوووي بحقد وقلت له .. أجل شخصيه مرموووقه وآخرررتها جندي أووول .. انا أصلاً من يوووم عرررفت إن إسم خووويك عطيه وانا عااارف انه ياإما بيكووون جندي ولا بيكووون حااارس مدرررسة بنااات .. لكن الشرررهه ميب عليك ياشااايب السبيت .. أصلاً أنا من أووول لحظه طلعت للدنيا وشفت وجه امي وشفت وجهك بصمت بالعشررره إني بانحرررف وباطلع شين وفقير .. وأصلاً انا من يوووم شفت وجه الدكتووور الأحووول اللي ولّدني وانا عااارف إن نهااايتي في السجن الله لا يعوووق بشررر .... نعن ابوووكم حتى وانا في الحضااانه كااان البزر اللي جنبي ملفوووف في شرررشف أحمر وريحته عطر وانواااع الألعااااب عنده .. هذا وهو توووه مولووود أجل إذا كبر وش بيجيبووون له ابن الكلب ... وانا جنبه ملفوووف في جررريده قديمه وريحتي معفنه ومليااان وجهي سعااابيل ومخاااط وانواااع الذبااااب على وجهي .. طااالع كني قطعة لحم معفنه .... وكل هالعذاااب اللي انا فيه عشااان لقااافتكم ... ياااشيخ والله لو انكم ذيك الليله تعوذتوا من ابليس ولعبتوا أونو ولا كيرررم إنه أصرررف من البلوووه اللي وهقتوووني فيها ... انتم تنبسطووون وانا اللي آكل تبن ....
بعد كلااامي حسيت إن ابوووي وامي تأثررروا .. ونزل أبوووي راااسه وقاااام يخطط بيده على الأرررض .. (( مسوووي نفسه متأثر ..!! )) ... وقررربت مني امي ومسحت على راااسي .. (( ويييييييين كلب ..!! )) .. وسحبت طرررف شيلتها المربوووط .. وفكت الررربطه وطلعت منها ريااالين وعطتنياااها وقاالت لي .. خذ هالريااالين ياوليدي ورح انبسط فيها ......!!!! قلت لها .. شااايفتني فااار أنا عشااان انبسط بريااالين .. خلي فلوووسك معاااك انتي وخشتك .... (( ياااخوي احتررم اهلك يالثوووور ..!! ))
ورجعت أقدم على وظااايف بدووون فااايده ... وفي احد التقاااديم تعرررفت على شخصين .. واااحد اسمه مناااحي يتميز بأن ملااابسه تميل للووون الأصفر ... طووويل الوجه كن وجهه طررريق الملك فهد ... والثاااني اسمه عكرررمه يتميز بأن لووونه أسووود لماااع كنه فحمه مكبوووب عليها مووويه ...
وتوطدت علاااقتنا .. (( مااايمديكم على توطدت .. هاللكلمه مفروووض أحطها في موضوووع لحااالها ..!! )) .. وصرررنا نتقابل يومياً أنا ومناااحي وعكرررمه .. وفي يوووم من الأيااام عزمتهم في كوووفي شوووب راااقي عشااان أخليهم يشوفووون العااالم ... وأول ماجلسنا على الطاااوله صاااح مناااحي على العااامل وقااال له .. ياااصديق عطني واااحد كوووفي شوووب وكثر السكر .... وعكرررمه جنبه جااالس يأشر للعااامل بيده ورااافع إصبعين .. يعني خلها إثنين ..!!! والناااس في الكوووفي شوووب جااالسين يطااالعون فينا باستغراااب .... وانا اللي أقوووم واسحب عكرررمه ومناااحي واطلعهم برررى المحل وانا العن واسب فيهم على الفضيحه اللي سووها .... وحااااول عكرررمه إنه يلطف الجو وعزمنا في بيتهم ... وخصوصاً إن أهل عكرررمه مسااافرين والبيت فاااضي .. (( ليش وش ناااوين عليه ..!! )) ... وبعد ماوصلنا بيت عكرررمه ودخلنا المجلس .. دخل عكرررمه عشااان يصلح لنا القهوووه ... وبعد لحظاااات طلع عكرررمه ومعاااه صينيه فيها دلة القهوووه والفناااجيل وصحن غررريب ... وحط عكرررمه الصينيه قدااامنا وانا أناااظره بحقد ... لأنه جااايب مع القهوووه صحن سلطه ...!!!! وقلت له .. ليش جااايب صحن سلطه ..!!؟؟ قااال لي .. والله يافليسكو إني دووورت تمر ومااالقيت ... وصعبه إني أجيب لكم قهوووه لحااالها .. ولقيت هالسلطه في الثلاااجه وجبتها ...!!! قلت له .. الله عليك .. الله على العبقررريه اللي فيك .. الله على سرررعة البديهه اللي فيك .. الله يلعن أبوووك ويلعن من عرررفني عليك ..!! وطلعت من عندهم وانا مقهوووور ...!!!
وبعد هذا الموووقف تأكدت إني صااادقت إثنين من أغبى الكاااائنات على وجه الأرررض .. (( انت شف من يتكلم بس .. انت مفروووض تنبسط إنك لقيت ناااس أغبى منك ..!! )) ...
ومع الأيااام زااادت صداااقتنا واستاااجرنا غرررفه وصرررنا نتقااابل فيها يووومياً ... وتناااقشنا انا ومناااحي وعكرررمه في قلة الوظااائف وكثررة الواسطااات ... وفي إحدى السهرااات دخل علينا مناااحي ومعاااه تلفزيووون ... وقلت له .. ماااقصرررت والله يامناااحي أكيد إنك جااايب التلفزيووون عشااان تحطه في الغرررفه .... قال مناااحي .. لا والله يافليسكووو هذا التلفزيووون شررريته أمس .. ويوووم رحت للبيت وشبكته وجلست أقلّب في القنوااات إنصدمت .. لأني كل ماااحطيت قناااة يطلع فيها برنااامج أو مسلسل شفته قبل كذا .. وانا أتوووقع إن الهندي ملعووون الوااالدين لعب علي وعطاااني تلفزيووون قديم ...!!!!! وتلقف عكرررمه وقااال .. طيب يامناااحي لا تظلم الهندي .. وتأكد أووول شي يمكن إن الرسيفر اللي عندك هو القديم موووب التلفزيووون ...!!!!! ... وانا اللي أعض يدي من القهر ولا كلمتهم .. لأني ما أدررري وش أقووول لللدلوووخ هذوووللي ...!!!!
... وفي يوووم من الليااالي خطرررت في بااالي فكررره خطيررره ... وهي اننا نكووون عصااابه .. ونسرررق المحلااات والبيوووت والبنوووك ..... ورحب مناااحي وعكرررمه بالفكررره .. وقااال عكرررمه .. ايوووه يااابوووويه بدااال مااانعيش عاااله على المجتمع نشتغل ونكسب من عرررقنا .....!!! قلت له .. إذا كنت بتكسب من عرررقك أجل والله يااانت بتكسب ذهب .. نعن ابوووك انت حتى في الشتا تعرررق ...!!!
المهم إني مسكت عكرررمه وقلت له .. شوووف ياعكرررمه انا ابيك تتحمس معااانا وتترررك عنك الدلاااخه .. وأبيك تبيض وجهي ..... قال عكرررمه .. إبشر يافليسكووو مااالك إلا إني أبيض وجهك ...... قلت له .. والله إني أدررري إنك ذيب بس تفكيرررك مايساااعدك ......... المهم إني إنسدحت في الإستراااحه وأخذت لي غفوووه ....... وفي عز النوووم حسيت بشي يتحرررك على وجهي .. ويوووم قمت حصلت عكرررمه معااااه كررريم وجااالس يدهن وجهي ..... قلت له .. خير يابو الشباااب وش عندك ..؟؟؟؟ قال لي .. هذا كررريم تبييض البشررره .. موووب إنت قلت لي إنك تبيني أبيض وجهك ...!!!!!! قلت له .. انت تبيني ألعن والديك .. تبيني أتوووطى على جبهتك .. انا ابيك تبيض وجهي بافعااالك موووب بالكررريم يالدلخ .......... وتدخل مناااحي وقااال لي .. يافليسكووو هذا حمااار لا تشررره عليه وامسحها في وجهي هالمررره .....!!! قلت له .. يارجاااال تلااايط أنت يابو تلفزيووون .. بعدين حرااام عليك تخليني أمسح هالموووقف التااافه في وجهك .. مفروووض تقووول إمسحها في إذني ولا إمسحها في إبطي .. لأن وجهك أكبر من هالخرااابيط .. وجهك مفروووض نمسح فيه جررريمة قتل ولا قضية مخدرااات انت ووجهك اللي كنه سفينة التايتااانك .....!!!! وتدخل عكرررمه وقااال لي ... يافليسكووو لا تدقق في كلااامنا وتصرفاااتنا لأن أعمااارنا صغيررره موووب مثلك شااايب ....!!!! قلت له .. يعني تبي تفهمني إنك صغير أنت وخشتك .. نعن أبوووك أنت لو تتزوووج ويجيك ولد بيطلع من بطن أمه وعمررره خمس سنوااات لأنه بيكووون مطوّووف .. وين صغير معه وانت أيااام ماكنت تدرررس الثانووويه كانوا يمشووون لك راااتب تقاااعد .. نعن أبوووك أنت لو تتوووضف في وضيفه ثاااني يوووم بيحيلووونك للتقاااعد من كبرررك .. قااال ايش قااال تووونّي صغير .. لكن ما أقووول إلا الله لا يعيد اليوووم اللي عرررفتك فيه انت ووجهك المنعفط كنه واااحد مقفل على وجهك باااب السياااره وانت صغير ...!!!!
ورجع كل واااحد لبيته .. واتفقنا اننا نجتمع في اليوووم الثااااني ..
السبت يناير 09, 2010 11:59 am
